HARTA 4 - A është letërsia formë e artit pamor apo dëgjimor?
2024-05-08
Burimi i parë, është Sigmund Freud-i, në një punim të vitit 1908, të titulluar “Shkrimtarët krijues dhe ëndërrimi syhapur”: “Tërë letërsia është një formë e përmbushjes së dëshirave”. Burimi i dytë, është Hannibal Lecter-i, një sociopat dhe gjeni kriminal i trilluar, nga filmi i Jonathan Demme-it, The Silence of the Lambs: “Ne lakmojmë atë që shohim”. Pra, ne lexojmë dhe shkruajmë atë që dëshirojmë - dhe dëshirojmë atë që shohim.
Atë që shohim - pasi letërsia është e lidhur së pari me shikimin. Shpesh, marrim për të mirëqenë se letërsia është diçka që ndodh në faqen e shtypur, diçka që shfrytëzon hapësirën e mundësuar nga faqja: nënkuptohet se të lexuarit është diçka që e bëjmë me sy.
Ndaj dhe shikimi konsiderohet me e besueshmja ndër shqisat tona, ai që mban vlerën dëshmuese më të madhe në sallën e gjyqit - diçka e parë konsiderohet më e besueshme se diçka e dëgjuar - sepse lexojmë me sy, dhe për ne kanë më rëndësi fjalët sesa bota që
ato përshkruajnë.
